خاطره على بالي

موضوع: خاطره على بالي السبت أغسطس 06, 2011 8:13 pm

انا ما أبيك تسأليني..( تكفى) ...أبيك تفهميني!!

...أنا ما فيني شي...
جوابي العادي لسؤالك المعتاد...
تبي تعرفي وش اللي فيني...
أوقفي معي لحظة...
وحاولي تكتب معي..
على سطور الورق..
وبحروف من حبر القلم...

أكتبي في أول السطر
أو حتى في آخر السطر..
أنا ما فيني شي..
أنا مو بيقتلني الندم..
أنا كلي آهات وألم..
أنا في نهاري..جروح قلبي تصاحبني..
وفي ليلي..الوحدة تلازمني..
أنا ما فيني شي...بس أبي كل شي..
أبي إنسانه تفهمني...
تستوعب مدى جرحي..
وتمحي بلمسة أثر همي..
أبي إنسانه تحكمني..من راسي لأقدامي..
أبي حضنها يدفيني.كل ما نزلت
دمعة من عيني.
أبي عينها تناظرني...وحرارة شوقها تحرقني..
أبي جسمها يلم اللي بقى فيني...
وبقوة تحسسني بجنون الحب وأنواعه..
وأحس إني أمل روحها...
ودمها اللي بعروقها..
وإني كل ما كان من عمرها..
وحلمها اللي عايشٍه لأجله..
وأحس إني عالمها كله..
وأقرب له من شرايينها..
وأكثر حتى من نبض قلبها..
أبيها تحبني لذاتي..وتعشق حتى نظراتي..
وتموت..تموت بهمساتي..
أبي لا جيت لها أمشي..
تجريي شوقها تحضني..ويسابقها حبها..
بعد كل هذا تسأليني..وش فيني..!!
أنا ما أبيك تسأليني...أنا أبيك تفهميني..
تعبـــــــــــــــــــــت ..
تعبت من الأسئلة..وتعبت أكثر من تكرار الأجوبة..
أنا ما أبي أسمع إلا كلمة...
كلمة ترد الروح فيني..وتنسيني جروحي..

أنا ما فيني شــــــــي..

أنا ما أبيك تسأليني...
( تكفى) ...أبيك تفهميني!!
أنا ما فيني شــــــــي..

بس أبيك تحسسيني بكل شيء

ممتازه

اقتباس :: تعبت من الأسئلة..وتعبت أكثر من تكرار الأجوبة..
أنا ما أبي أسمع إلا كلمة...
كلمة ترد الروح فيني..وتنسيني جروحي..

رائع ومميز

هلا وحياكم الله وشكرا على المرور

يسلموا ع الطرح

إلا أكثر من رائع

شكرا على المرور

يعطيك العافيه ياخوي وتقبل مروري

يعطيك العافية

يعطيك العافية