قصيدة قتلتيني
قتلتيني بخنجر ردك الجافي=و انا لجلك زرعت الحب والاشواق
هديتيني قسا ما قلت لك كافي= و قطعتي عن الشجره غذاء الاوراق
سقيتيني الم بيحتي الخافي= و انا لاهي ادور لك درر لعماق
تركتيني مثل واعي مثل غافي= على الاعراف لا جنة ولا غساق
عسى ما شر يا عمري و لا خلافي = تعابيرك على وجهك تبي اشراق
ورى حظي معك دايم نكد صافي = اشك انك بقلب و ينبض و دفاق
تروعني فعولك و انت بي هافي = و تصدمني بدهشة منك و استشراق
انا الصادق انا المخلص انا الوافي = انا منجم من الاحساس و الاعراق
انا مثل المطر و انته لي السافي = اقول ارحم رحمك الخالق الرزاق
تكلم قول ما اريدك و لا تخافي = ترى بتر العضو اهون من الاشفاق
انا ما اظلمك يا سعدي و ميلافي = لا نك بين جنحاني ابد خفاق
عرفت الحب من عرفك ولد لافي = و فعيونك سعادة تملأ الآفاق
كفاك انك سبب نزفي سبب قافي = ابيك تعذب و صدري نهر رقراق
الرئيسية 
